Kryeministri Edi Rama konfirmoi përmes rrjeteve sociale se samiti i NATO-s në vitin 2027 do të mbahet në Shqipëri. Rama ka ndarë lajmin me ndjekësit pas zyrtarizimit gjatë samitit të Hagës të ftesës shqiptare për mbajtjen e këtij samiti të nivelit të lartë në vendin tonë për herë të parë që nga anëtarësimi i Shqipërisë në NATO në vitin 2008. Samiti pas dy vitesh pritet që të analizojë edhe rritjen e shpenzimeve për mbrojtjen për 32 vendet anëtare të aleancës, ku objektivi i vendosur në përfundim të punimeve të samitit të Hagës është 5 për qind e GDP deri në vitin 2035. Të martën, Kryeministri Edi Rama mori pjesë në darkën e mikpritjes së Familjes Mbretërore për liderët e NATO-s të organizuar nga Mbreti Villem-Alexander dhe Mbretëresha Maxima e Holandës. Pjesë ishte dhe presidenti amerikan Donald Trump, ai I francës, Emanuele Macron, por dhe shumë figura të tjera. Ndërsa nuk mungonte as Zelensky. Vetë kreu i qeverisë postoi në Facebook, një foto familjare me të gjithë krerët e alencës euroatlantike. Gjatë samitit, pjesë e delegacionit ishte dhe ministri Igli Hasani. Ai mori pjesë në Takimin e Këshillit NATO-Ukrainë, ku pati një takim me Sekretarin e Shtetit të SHBA, Marco Rubio; me Përfaqësuesen e Lartë e BE-së për Politikën e Jashtme dhe të Sigurisë, njëherësh Zëvendës Presidente e Komisionit Evropian, Kaja Kallas; por dhe me homologë nga vendet anëtare të BE-së.