Pas Britanisë, edhe Qeveria e Holandës ka vendosur që të ndërmarrë hapa të tjerë kundër agresionit rus ndaj Europës. Mediat raportojnë se Amsterdami ka vendosur që të dërgojë 3 siteme raketore anti-ajrore në Poloni duke iu përgjigjur kështu tensioneve në rritje në rajon. Holanda është vendi i tretë që dërgon këto sisteme të avancuara anti-ajrore në Poloni krahas SHBA-ve. Perëndimi e ka blinduar Poloninë me forca ushtarake dhe mjete të tjerë me qëllim zmbrasjen e çdo tentative ruse për të destabilizuar dhe pushtuar vendin, siç bëri në Ukrainë. Mbretëria e Bashkuar po ashtu do të vendosë sistemin raketor, Sky Sabre në Poloni, bashkë me 100 trupa ushtarake. Sekretari britanik i Mbrojtjes, Ben Ëallace ka thënë të enjten se ky vendim është marrë për të mbrojtur hapësirën ajrore polake nga “agresioni i mëtejshëm i Rusisë”. Sistemi i mundëson Polonisë që ta mbrojë veten nga aeroplanët luftarakë, raketat dhe bombat. Më herët gjatë javës, të paktën 35 persona janë vrarë, si pasojë e sulmeve ruse në një bazë afër kufirit të Ukrainës me Poloninë.