Presidenti amerikan, Donald Trump nuk e ka fshehur pakënaqësinë e tij me politikat e Europës, sidomos sa u takon qëndrimeve për emigracionin dhe luftën në Ukrainë. Megjithatë, retorika dhe aksionet e tij ndaj ‘Kontinentit të Vjetër’ janë më të matura se diplomacia agresive që ka ndjekur në anë të tjera të globit. Arsyeja nuk lidhet vetëm me faktin se Bashkimi Europian dhe vendet anëtare të tij janë aleate tradicionale të SHBA, por edhe me ‘armën e fshehtë’ që BE dhe Britania e Madhe kanë nën mëngë dhe që në rast aktivizimi do të çonte në kaos ekonominë amerikane brenda natës. Zyrtarët europianë, ata me radikalë sa u takon qëndrimeve kundër Donald Trump prej kohësh kanë hedhur idenë që Brukseli të përdorë financat për të zbutur Uashingtonin. Alternativa më ekstreme në këtë skenar është ajo e tërheqjes së të gjithë titujve të borxhit, që vendet Europiane kanë te Thesari amerikan.