Rusia kreu disa valë sulmesh me dronë mbi Kiev, për të dytën natë radhazi, duke dëmtuar godinat e banuara dhe duke plagosur të paktën një civil – thanë zyrtarët ukrainas të hënën në mëngjes. “Një tjetër natë, një tjetër shqetësim”, tha Serhi Popko, shef I administratës ushtarake në kiev. “Armiku nuk e reduktoi intensitetin e sulmeve ajrore mbi ukrainë dhe mbi Kiev”, shtoi ai. Rreth 10 dronë që shënjestruan qytetin në disa valë, nga drejtime të ndryshme, u shkatërruan – tha Popko. Ndërsa asnjë prej tyre nuk e goditi shënjestrën, mbetjet e rëna lënduan lehtë një person – shtoi ai. Mbetjet ranë mbi tre lagje kryesore të kievit duke shkaktuar disa dëmtime në cati dhe fasada ndërtesash, si edhe duke këputur kabuj të energjisës elektrike – tha në anën tjetër kryebashkiaku I Kievit, Vitali Klichko në telegram.