Superhëna e parë e gushtit ishte një spektakël i vërtetë. Ishte super pasi hëna ishte e plotë dhe në të njëjtën kohë në pikën më të afërt të orbitës së saj me tokën, një kombinim për shkak të të cilit ajo është shfaqur më e madhe dhe më e shndritshme. Dhe për të parë një tjetër superhënë si kjo, nuk do të duhet të presim shumë. Superhëna e radhës, që do të jetë ajo blu, do të shfaqet në qiell natën mes 30 dhe 31 gushtit. Sidoqoftë, ky muaj do të ofrojë spektakël të vërtetë në qiell. Gjatë gushtit, duhet të shtojmë daljet në qiell të hapur gjatë natës pasi do të ketë edhe yje që bien dhe një saturn më spektakolar se kurrë. Pra do të jetë një muaj i pasur me evente që do të entuziazmojnë të gjithë qiell-vrojtuesit. Yjet që bien, që në fakt nuk janë gjë tjetër vecse një mori meteorësh që njihen si Perseid, do të ketë shikueshmëri maksimale natën mes 11 dhe 13 gushtit ndërsa më 27 gusht do të jetë radha e saturnit. Planeti me unaza do të mund të shihet lart në qiell në kushtet më të mira të mundshme...Planeti do të gjendet edhe në distancën më minimale të mundshme nga toka, të barabartë me rreth 1 miliardë e 310 milionë kilometra, cka do ta bëjë atë të shndritshëm dhe me një teleskop do të mund të shihen edhe unazat e famshme të tij.