Agjencia Amerikane e Hapësirës, NASA zhvilloi të mërkurën takimin e parë publik mbi UFO-t, një vit pasi nisi një studim mbi objektet fluturuese të paidentifikuara. Agjencia lejoi transmetimin televiziv të një seance dëgjimore prej disa orësh që përfshinte një panel me ekspertë të pavarur. Ekipi përfshin 16 shkencëtarë dhe ekspertë të tjerë, mes tyre dhe austronauti që ka dalë në pension, Scott Kelly, amerikani i parë që qëndroi thuajse një vit në hapësirë.