NASA po kërkon ndonjë shenjë nga Voyager 2 pasi ajo humbi kontaktet me mjetin hapësinor që ndodhet miliarda kilometra larg tokës. I drejtuar akoma më thellë në hapësirën ndëryjore, Voayager 2, ka humbur kontaktet që pasi kontrollorët e fluturimit, aksidentalisht dërguan një komandë të gabuar, më shumë se një javë më parë, komandë kjo që e ktheu antenën larg tokës...Antena e mjetit hapësinor u devijua me 2 për qind, por kaq ishte e mjaftueshme që komunikimi të ndërpritej. Edhe pse konsiderohet një plan i vështirë, nasa tha se një antenë e madhe e saj në Canberra, po kërkonte për ndonjë sinjal nga Voayager 2, që ndodhet më shumë se 19 miliardë kilometra larg. Duhen më shumë se 18 orë që një sinjal të mbërrijë tokën nga një distancë kaq e madhe. Voyager 2 u lëshua nga Florida në 1977 për të studiuar sistemet e jashtme diellore si edhe Jupiterin, Saturnin, Uranin dhe Neptunin. Ai hyri në hapësirën ndëryjore në 2918-ën, pasi kishte zbuluar hënat e reja në Uran dhe në Jupiter. Në javët në vijim, antena në kanberra, do të bombardojë Voyager 2 me komandën e duhur, me shpresë që komunikimi do të kthehet sërish. Në të kundërt, nasa do të duhet të presë deri në tetor, që një riset automatik i mjetit ta rikthejë Voyager 2 në kontroll.