Pa diskutim që dinozaurët do të kishin dashur ta bënin këtë. NASA të hënën do të përpiqet të hedhë përpara një hap që njerëzimi nuk e kishte imagjinuar kurrë më parë: do të përplasë qëllimisht një anije hapësinore me një asteroid për të devijuar lehtë orbitën e tij, në një testim të rëndësishëm të aftësive tona për të ndluar objekte kozmike që të shkatërrojnë jetën në tokë... Testi ‘Double Asteroid Redirection’ ose shkurt DART, ka bërë që nëntorin e shkuar një anije hapësinore të niset nga Kalifornia dhe ti afrohet objektivit, të cilin do ta godasë me një shpejtësi afro 23 mijë kilometra në orë. Për të qenë të sigurt, as asteroidi Dimorphos dhe as vëllai i madh rreth të cilit ai rrotullohet, Didymos, nuk përbëjnë asnjë kërcënim pasi gjenden miliona kilometra larg tokës. Por, eksperimenti është ai që NASA e ka konsideruar ekstremisht të rëndësishëm para se një nevojë reale të shfaqet në horizont.