Një seri e fuqishme tërmetesh në Campi Flegrei, një supervullkan masiv në Itali, ka ngritur shqetësime të reja mes shkencëtarëve në lidhje me rrezikun e një shpërthimi të madh. Në maj, Fushat Flegreje pranë Napolit u tronditën nga një tërmet me magnitudë 4.4, më i forti në 40 vjet. Gjatë gjashtë muajve të fundit, shkencëtarët kanë regjistruar më shumë se 3,000 tërmete më të vogla, të njohura si dridhje, një shifër shumë më e lartë se aktiviteti normal sizmik për zonën. Ekspertët thonë se shpërthimet zakonisht paraprihen nga rritja e aktivitetit të tërmeteve, ndërsa presioni nëntokësor rritet. Këto tërmete të vogla mund ta dobësojnë shkëmbin mbi dhomën e magmës së vullkanit, duke e bërë më të lehtë që magma të shpërthejë. Është njësoj si avulli që krijohet në një tenxhere me presion, nëse kapaku dobësohet shumë, mund të shpërthejë. Gjeologët kanë vërejtur gjithashtu një rritje të ndjeshme të gazrave që lirohen nga vullkani, një tjetër shenjë paralajmëruese kjo. Duke shtuar alarmin, emetimet e dioksidit të karbonit nga Kampi Flegrei janë rritur ndjeshëm, me Institutin Kombëtar të Gjeofizikës dhe Vullkanologjisë të Italisë që raporton nivele ditore midis 4,000 dhe 5,000 tonëve. Ekspertët thonë se rritja e emetimeve të gazrave shpesh nënkupton që magma po lëviz më afër sipërfaqes, duke ushtruar më shumë presion mbi vullkanin. Kampi Flegrei përbëjnë një kërcënim serioz për mbi katër milionë njerëz që jetojnë në zonën metropolitane të Napolit. Nëse vullkani shpërthen, dëmi mund të jetë i madh. Qyteti i Napolit dhe qytetet përreth si Pozzuoli ndodhen pranë Campi Flegrei, duke vënë shumë jetë dhe shtëpi në zonën e rrezikut. Campi Flegrei do të thotë "fusha që digjen". Është një krater i madh vullkanik i formuar kur një shpërthim masiv mijëra vjet më parë bëri që toka mbi dhomën e magmës të shembej. Shpërthimi i fundit i Campi Flegrei ishte në vitin 1538. Ndonëse nuk shpërthen shpesh, shpërthime të mëdha ndodhin çdo disa mijëra vjet, ndërkohë që vullkani ka treguar shenja trazirash në dekadat e fundit. Kërcënimi i Kampit Flegrei nuk është vetëm lokal. Rreth 40,000 vjet më parë, Kampi Flegrei shpërtheu me një forcë të tillë sa shkaktoi një nga katastrofat më të rënda vullkanike në historinë e Tokës, duke shkaktuar ndryshime të mëdha në klimën globale. Nëse një shpërthim i ngjashëm do të ndodhte sot, ndikimi i tij do të arrinte shumë përtej Italisë.