Ulet çmimi i naftës dhe benzinës në pikat e tregtimit me shumicë e pakicë në vend, duke reflektuar luhatjet në bursat ndërkombëtare. Bordi i transparencës vendosi të reduktojë me dy lekë për litër çmimin e naftës, dhe me një lekë për litër çmimin e benzinës. Sipas vendimit, nafta do të tregëtohet me 206 lekë për litër në pikat e karburanteve, duke u ulur me dy lekë për litër, krahasuar me 208 lekë për litër që shitej më parë. Ndërkohë me shumicë çmimi i naftës nuk do e tejkalojë pragun e 194 lekë për litër. Benzina nuk do të mund të shitet më shumë se 184 lekë për litër në pikat e tregtimit me pakicë, duke përsuar një rënie në çmim prej një lekë për litër. Ndërkohë në pikat e shumicës, çmimi i benzinës nuk do e tejkalojë pragun e 172 lekë për litër. Çmimet e caktuara nga Bordi hynë në fuqi nga kjo e shtunë dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes. Ministri e Ekonomisë i tërheq vëmendjen çdo operatori të shitjes me shumicë dhe pakicë të nënprodukteve të naftës mbi detyrimin e zbatimit të këtëj vendimi. Në rast të shkeljeve të konstatuara nga operatorë të ndryshëm do të vendoset pezullimi i aktivitetit.