Bordi i transparencës ka rishikuar me ulje çmimet e shitjes me pakicë dhe shumicë të naftës dhe benzinës. Çmimet e reja të vendosura nga bordi vendosin tavanin prej 196 lekë për tregtimin me pakicë të naftës, nga 206 lekë që tregtohej deri më tani, ndërsa me pakicë jo më shumë se 184 lekë për litër, nga 194 lekë që shitej deri më tani. Edhe çmimi i tregtimit me shumicë dhe pakicë i benzinës është rishikuar me ulje. Bordi ka vendosur tavanin prej 180 lekësh për litër në tregun e pakicës, nga 184 lekë dhe 168 lekë për litër në tregun e shumicës nga 172 që ishte në fuqi. Çmimet e caktuara hynë në fuqi mesditën e së enjtes dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes. Ministria e Ekonomisë thotë se të gjithë operatorët në treg duhet të respektojnë çmimet tavan të vendosura prej bordit për të shmangur penalitetet e përcaktuara në ligjet dhe udhëzimet që rregullojnë tregun.