Parashikimet për vitin 2024 janë ogurzeza, sipas almanakut kinez të hartuar nga Joanna Li dhe bashkëshorti i saj, Ken Smith. Çifti e boton librin e vogël çdo vit në mënyrë të vazhdueshme që nga viti 2010, teksa këtë herë shkruan se ky do të jetë një vit me shumë trazira. Smith dhe Lee e quajnë veten redaktorë, përkthyes dhe komentues, jo autorë, sepse parashikimet e tyre të regjistruara në "almanakun kinez" vijnë nga arkitekti i gjeomancisë Uarvik Uong në Hong Kong . "Ne shikuam parashikimet e këtij viti dhe ishim të shqetësuar. Pak para fundit të vitit 2019, muaj para se të regjistrohej rasti i parë i koronavirusit në Nju Jork, Uong na tha: "Gjeni një vend të sigurt për t'u fshehur - katastrofa po vjen". Megjithatë, ai nuk specifikoi se çfarë fatkeqësie do të jetë dhe vetë gjeti strehim në një manastir," shpjegoi Lee. Ashtu si çdo almanak kinez, i tyri bazohet në të dhënat astrologjike që Uong bwn si pasojw e një sërë llogaritjesh matematikore për të arritur në probabilitetet relative për aktivitete të ndryshme. “Ky do të jetë viti i dragoi të drurit, teksa parashikimet janë që të ketë edhe më shumë zjarre e kaytastrofa natyrore. Njerëzit do të jenë më të ashpër dhe kokëfortë. Fati i mirë do të jetë në rënie dhe ylli i pasurisë nuk do të ndriçojë fort” thuhet ndër të tjera në almanak. Në parashikim theksohet se 2024-a do të jetë viti i luftrave globale, teksa almanaku flet edhe për një dritë paqeje vetëm në muajt e fundit të vitit.