Lideri serb i bosnjes i akuzuar se po rrezikon dërgimin e vendit në luftë përmes thirrjeve për ndarjen e Bosnje Hercegovinës, ka hedhur poshtë kërcënimin për sanksione perëndimore dhe ka folur për një takim të afërt me vladimir Putinin duke thënë: Unë nuk u zgjodha në detyrë që të tregohem frikacak. Në një intervistë për The Guardian, Milorad Dodik, anëtari serb i lidershipit trepalësh të Bosnje Hercegovinës, tha se ai nuk do të zbrapsej nga hakërrimet e Londës, Uashingtonit, berlinit dhe Brukselit. 62 vjecari Dodik, një figurë kyce në politikën boshnjake prej 30 vitesh, që dikur ka qenë edhe i preferuari i perëndimit, insiston se planet e tij nuk do të cojnë në ndarjen e bosnje-hercegovinës. Sanksionet dhe reduktimet në financimet e BE do ta detyronin atë vetëm të pranonte ofertat për investime nga Kina, tha dodik dhe ai pret të shohë liderin rus shumë shpejt. Dodik është dënuar gjerësisht javët e fundit për qëllimet e tij për tërheqjen e pjesës serbe të bosnje hercegovinës nga institucionet shtetërore, si administrata e taksave, gjyqësore, agjencia e zbulimit e madje edhe nga ushtria kombëtare, me qëllim që të krijojë një forcë serbe. Propozimi është cilësuar në një raport për OKB si një hap drejt ndarjes dhe një rreziku serioz për marrëveshjen e paqes së dejtonit që i dha fund luftës që mori më shumë se 100 mijë jetë njerëzish gjatë shpërbërjes së jugosllavisë.