Në Forumin Ekonomik Botëror që po zhvillohet në Davos, Elon Musk u tall me Bordin e Paqes në Gaza që është krijuar nga Presidenti amerikan Doland Trump. "A është për paqe apo për pushtim? Një copë e Groenlandës, një copë e Venezuelës...", tha CEO i Teslës, duke luajtur me fjalët 'paqe' dhe 'copë'. ndërsa në sallë plasën të qeshurat. Një sulm ky i drejtpërdrejtë kundër politikave të ndjekura nga Trump, ndërsa u ndal më tej edhe sa i takon të ardhmes ku ushpreh optimist, ndërsa apeloi për kujdessa i takon robotëve dhe Inteligjencës Artificiale. Ky ishte mendimi i shprehur nga Elon Musk, i cili bëri një paraqitje surprizë në Davos dhe u intervistua nga Larry Fink , CEO i Blackrock dhe bashkëkryetar i Forumit Ekonomik Botëror . Robotika dhe IA, tha Musk, mund të nxisin ekonominë, por duhet të jemi të kujdesshëm që të mos përfundojmë si "Terminator", paralajmëroi sipërmarrësi i teknologjisë, duke shtuar se duhet "shumë" në lidhje me robotët me inteligjencë artificiale. "Parashikimi im është që, në skenarin e favorshëm të së ardhmes, ne do të krijojmë aq shumë robotë dhe inteligjencë artificiale saqë ata mund të përmbushin të gjitha nevojat njerëzore", duke përfshirë kujdesin për fëmijët ose të moshuarit, tha Musk, duke shpjeguar se ai pret që popullsia e robotëve të arrijë miliarda, duke tejkaluar njerëzit.