Pas sukseseve historike në hapësirë, SpaceX prezantoi shërbimin e internetit satelitor Starlink, specifik për aviacionin, derisa kompania e Elon Musk kërkon të zgjerohet më tej në tregun e fluturimit. Kompania do t’i tarifojë kompanitë ajrore me 150 mijë dollarë për pajisjen e nevojshme që duhet lidhur një avion me Starlink, derisa kostoja mujore e shërbimit do të jetë 25,000 dollarë në muaj. Shërbimi i internetit për klientët e aviacionit planifikohet të fillojë “në mesin e vitit 2023”, tha kompania, dhe rezervimet kërkojnë një pagesë fillestare prej 5,000 dollarësh. SpaceX reklamon “mbulim global” përmes një antene me panel të sheshtë që klientët do ta instalonin në majë të një avioni.