Llogaria zyrtare e Donald Trump në Tëitter është bërë sërish e dukshme, vetëm pak minuta pas njoftimit të pronarit të ri të rrjetit Social, Elon Musk, se kishte rehabilituar ish presidentin amerikan. Vendimi erdhi pas një referendumi 24 orësh ku triumfuan përgjigjet “Po’ për rikthimin e manjatit në rrjet. 51.8 përqind e preferencave të mbi 15 milionë përgjigjeve, ishin Po. Pak minuta para zbardhjes së rezultatit të sondazhit online, Trump sidoqoftë kishte përjashtuar mundësinë e rikthimit duke thënë se do të qëndronte në rrjetin e tij social, Truth. Duke i besuar kështu përdoruesve, Musk vendosi të rikthente ish presidentin duke thënë: Populli ka folur. Trump do të ripranohet – shkroi miliarderi në llogarinë e tij. Që në maj, disa muaj para se të blinte kompaninë Tëitter, Musk kishte paralajmëruar se do të rikthente në rrjet manjatin, i cili u ndalua nga rrjeti social pasi nxiti sulmin mbi kapitol Hill më 6 janar 2021; një ngjarje kjo për të cilën Trump është ende nën hetim nga një komision parlamentar e që tani ka edhe një prokuror të posacëm të sapoemëruar. Vendimi për ta dëbuar nga platforma, ishte përcaktuar nga Musk si moralisht i gabuar dhe moralisht i papranueshëm.