Kompania që qëndron pas rrjetit social Tëitter po shqyrton mundësinë për veprim ligjor ndaj kompanisë Meta, pas lëshimit të aplikacionit rival, Threads. Threads, që u lëshua për përdorim publik të mërkurën, dhe në të cilin u regjistruan miliona përdorues që në orët e para, është i ngjashëm me Tëitter-in - dhe nga Meta është vlerësuar si një alternativë “miqësore” ndaj Tëitter-it. Tëitter, që është në pronësi të Elon Musk, ka thënë se “konkurrenca është në rregull, por mashtrimi jo”. Por, Meta, përmes një letre, hodhi poshtë këto pretendime se ish-shefi i stafit të Tëitter-it ka ndihmuar në krijimin e Threads-it. Mbi 30 milionë persona janë regjistruar në rrjetin e ri social, ka thënë Meta. Threads edhe nga pamja është i ngjashëm me Tëitter-in, si dhe ka veçori të ngjashme me aplikacionin që është në pronësi të Muskut. Avokati i Tëitter-it, Alex Spiro, i kishte dërguar të mërkurën një letër shefit të Meta-s, Mark Zuckerberg, duke e akuzuar Meta-n për “keqpërdorim sistematik, të qëllimshëm dhe të paligjshëm të sekretareve tregtare të Tëitter-it dhe pronës intelektuale të Tëitter-it” për të krijuar Threads. Spiro ka pretenduar se Meta ka punësuar dhjetëra ish-punonjës të Tëitter-it të cilët “kishin vazhduar të kishin qasje në sekretet tregtare të Tëitter-it dhe informacioneve të tjera konfidenciale” që ndihmuan Meta-n të krijonte aplikacionin Threads.