CEO i Tesla dhe SpaceX, Elon Musk mohoi të kishte ndonjë lidhje romantike me kryeministren "e bukur" italiane, Georgia Meloni, pasi të dy ata u panë së bashku në një ceremoni çmimesh në Neë York. Miliarderi, 53 vjeç dhe politikania e ekstremit të djathtë, 47 vjeç, u fotografuan duke parë njëri tjetrin në sy në ceremoninë e çmimeve Global Citizen të Këshillit Atlantik në Manhattan të hënën mbrëma, duke ndezur thashethemet për një pasion të ndërsjellë. Por Musk i hodhi poshtë shpejt thashethemet. “Nuk ka asnjë marrëdhënie romantike me kryeministren Meloni”, shkroi Musk në Tëitter në përgjigje të postimit të fotografisë virale të çiftit me mbishkrimin: “Të gjithë e dimë se çfarë ndodhi më pas”. Musk e prezantoi Melonin në skenë në event duke thënë se ajo “është edhe më e bukur brenda sesa jashtë”. Pronari i X dhe babai i 12 fëmijëve gjithashtu e përshkroi Melonin si "autentike, të ndershme dhe të zhytur në mendime".