Top News/ “Municion për Ukrainën”, Belgjika dhe Holanda I bashkohen nismës, japin 300 milionë euro

Ndërkohë që Ukraina përballet me mungesa kritike të municionit për shkak të vonesave të ndihmës së Shteteve të Bashkuara të Amerikës, Çekia ka ndërmarrë një nismë për të blerë rreth 800 mijë predha artilerie jashtë Bashkimit Europian dhe për t’i vënë në dispozicion të ushtrisë ukrainase. Presidenti çek Pavel tha se kostoja e përgjithshme e bvlerjes së tyre vlerësohet rreth 1.5 miliardë euro dhe se do të duhet që aleatët europiane të bashkojnë forcat, për të mbledhur buxhetin e nevojshëm. Holanda ishte e para që iu përgjigj pozitivisht apelit çek, duke vënë në dispozicion 100 milionë euro, ndërsa më pas ishte radha e Belgjikës që të arkëtonte 200 milionë euro në fondin e solidaritetit të vendeve të BE-së.