Vaksina anti covid, pasaporta vaksine dhe teste të rreme negative po shiten në rrjetin e zi. Cmimet variojnë nga 500 deri në 750 dollarë për dozë të AstraZeneca-s, Sputnik V, Sinopharm apo Johnson & Johnson. Certifikata të rreme vaksinash, po ahstu shiten nga tregtarë anonimë për më pak se 150 dollarë. Kërkuesit thonë se ka patur një rritje të ndjeshme të reklamave të lidhura me vaksinat në darknet, nërsa BBC shkruan se nuk ka mundur të verifikojë nëse vaksinat janë reale. Darknet, i njohur edhe si Dark Ëeb, është një pjesë e internetit që është e aksesueshme vetëm për mekanizmave specifike të broëserave. Kërkuesit në kompaninë e sigurisë kibernetike, Check Point, kanë monitoruar forumet e hakerave dhe tregje të tjera që nga janari kur reklamat e vaksinës u shfaqën së pari. Ata thonë se numri i reklamave që kanë parë ëhstë trefishuar në më shumë se 1200. Shitësit e vaksinave duket se janë nga SHBA, Britania, Spanja, Gjermania, Franca dhe Rusia. Ekipi i kërkuesve gjeti shumë reklama në tekst cirilik rus, por edhe në Anglisht. Mes vaksinave të reklamuara ishin të Oxfordit dhe astrazeneca-s me një cmim prej 500 dollarësh, dhe Johnson & Johnson dhe Sputnik, secile për 600 dollarë. Ndërsa vaksina kineze Sinopharm, shitej në rrjet për 750 dollarë. Një shitës madje, ofron edhe shpërndarje brenda 24 orësh duke theksuar në reklamë: Për shpërndarje brenda natës, na lini një mesazh.