Gjykata Themelore në Prishtinë ka hequr masën e paraburgimit ndaj drejtorëve të institucioneve arsimore dhe shëndetësore që funksionojnë në Kosovë sipas sistemit të Serbisë 4 ditë pas zgjedhjeve të parakohshme parlamentare të 7 qershoit, të akuzuar për veprën e ndikimit në vullnetin e lirë të votuesve. Arrestimi i drejtorëve të institucioneve serbe në Kosovë erdhi pas akuzës së ngritur nga lideri i partisë për Liri, Drejtësi dhe Mbijetesë, Nenad Rashiç, I cili akuzoi Listën Serbe se po ushtron presion dhe po shantazhin mbështetësit e tij. Rashiç denoncoi se rreth 20 persona që e mbështesin atë, ishin pushuar nga puna nga këto institucione serbe dhe se në periudhën e ardhshme, rreth 40 persona të tjerë priteshin të merrnin një vendim për shkarkimin e tyre vetëm në komunën e Graçanicës. Gjykata u kishte caktuar masën e paraburgimit drejtorëve më 21 maj, me arsyetimin se ekziston rreziku real që nëse lirohen, mund t’i shmangen përgjegjësisë penale ose ta përsërisin veprën penale. Autoritetet e Kosovës e kanë mirëpritur reagimin e Prokurorisë së Kosovës, ndërsa zyrtarët e Serbia kanë vlerësuar se arrestimet kanë qenë të motivuara politikisht.