Izraeli mund të jetë duke planifikuar të shkatërrojë qendrën më kritike të eksportit të naftës të Iranit, pasi u zotua se do të hakmerret për sulmin me 180 raketa ndaj tij, natën e kaluar. Frika nga lufta e plotë po rritet në Lindjen e Mesme pasi kryeministri izraelit Benjamin Netanyahu paralajmëroi se shteti terrorist kishte bërë një "gabim të madh". Izraeli tani po planifikon një përgjigje ndaj sulmit të paprecedentë të iranit, që me gjasë do të ketë në shënjestër qendrat iraniane të naftës dhe sistemin e mbrojtjes ajrore të tij. Kundërpërgjigjia mund të përfshijë po ashtu edhe atentate të ndryshme. Ishulli i rëndësishëm Kharg i Iranit mund të jetë një nga shënjestrat kryesore të Izraelit. Në të rrjedh deri në 95 për qind të eksportit të naftës të vendit. I vendosur 25 km larg bregut të Iranit në Gjirin Persik, dikur ishte terminali më i madh në botë i naftës së papërpunuar në det të hapur.