Një britanik, i cili duhej të ishte në bordin e avionit të rrëzuar të Air Indias, është 'mirënjohës' për jetën e tij pasi vendosi të ndryshonte fluturimin në minutën e fundit. Oëen Jackson, 31 vjeç, nga Saffron Ëalden në Essex, ishte në Indi për punë dhe priste të kthehej në shtëpi të enjten. Por i mbytur nga punët, kolegët i sugjeruan të merrte një fluturim kthimi të shtunën. Të enjten në mëngjes, Fluturimi AI171 u rrëzua menjëherë pas ngritjes nga Ahmedabadi në Gujarat, duke lënë vetëm një të mbijetuar nga 242 në bord, përfshirë 53 britanikë. Oëen nuk i kishte thënë familjes së tij se në cilën ditë ishte planifikuar të fluturonte dhe ishte në takime pune ndërsa bashkëshortja mësoi për tragjedinë. Rastësisht, ai kishte rezervuar vendin 11A në fluturimin e së shtunës, i njëjti numër fati në të cilin i mbijetuari i vetëm Vishëash Kumar Ramesh kishte qenë i ulur në fluturimin AI171 që u rrëzua. "Jam i tronditur", thotë Oëen për The Sun. "Jam shumë mirënjohës, e gjitha është një rastësi kaq e çuditshme. Dëgjon herë pas here për aeroplanë që rrëzohen dhe nuk mendon shumë për këtë, por kur është avioni i në të cilin potencialisht do të hipësh dy ditë më vonë, të bën të mendohesh shumë". Bashkëshortaja e Oëen, nuk dinte asgjë për të shoqëin për orë të tëra, pasi ai nuk e kishte informuar se kishte ndryshuar planet. Oëen tha se ai ishte ndoshta një nga njerëzit e fundit që mësoi për aksidentin pasi nuk e kishte parë telefonin e tij për rreth dy orë. Britaniku Vishëash Kumar Ramesh, 40 vjeç, u identifikua javën e kaluar si i mbijetuari i vetëm i aksidentit tragjik të së enjtes. Çuditërisht, pasagjeri i sediljes 11A arriti të largohej nga avioni i shkatërruar me lëndime relativisht të lehta. Pamjet video e treguan atë duke u larguar nga vendi i aksidentit me këmbët e veta.