Kanë kaluar tashmë shumë më tepër nga 72 orët që skuadrat e shpëtimit i konsideronin si kufirin përtej të cilit ishte thuajse e pamundur të gjendeshin të mbijetuar të tjerë nën rrënoja, por forca e jetës duket se mund të përmbysë statistikat, edhe në kushtet e temperaturave të acarta dhe të mungesës së ujit. Mrekullia ka ndodhur. Pas 90 orësh është shpëtuar Hilal Bilgi, 10 vjec, e gjetur mes rrënojave të një pallati shtatë katësh të shembur nga tërmeti i të hënës, në Hatay. Për të shpëtuar vajzën, raporton e përditshmja turke Hurriyet, skudrat e shpëtimit kanë hapur një tunel të vërtetë. Vajza ishte nën një bllok cimentoje dhe me miratimin e të afërmve, u vendos që ti pritej njëri krah me një operacion të kryer nën rrënoja. Në tërmet, vogëlushja humbi prindërit dhe tre vëllezërit.