Një burrë ka mbijetuar mrekullisht pasi kaloi 67 ditë në një varkë të vogël gome në detin e Okhotskut, në Lindjen e Largët të Rusisë, pasi u pa nga disa peshkatarë. Pamjet tronditëse treguan shpëtimin e jashtëzakonshëm të Mikhail Pichugin, 45 vjeç, nga anija ruse e peshkimit Angel. Burri i dëshpëruar dhe në dukje i dobët fizikisht, për të cilin autoritetet thanë se kishte humbur 50 kilogramë peshë trupore, u pa i mbështjellë me batanije dhe një jelek shpëtimi në varkën e vogël në të cilën kishte lidhur një flamur të vogël portokalli, në një përpjekje të dëshpëruar për të tërhequr vëmendjen. Por dy kufoma u gjetën pranë tij – ajo e vëllait të tij të madh Sergey Pichugin, 49 vjeç, dhe nipit 15-vjeçar Ilya. Të tre ata ishin nisur në lundrim për të parë balenat, me varkën e tyre 15 metra të gjatë, më 9 gusht.