Skuadrat turke të shpëtimit nxorrën tre persona të gjallë nga rrënojat, 13 ditë pasi një tërmet masiv mori dhjetëra e mijëra jetë njerëzish, por fatkeqësisht, njëri prej të shpëtuarve, një djalosh 12 vjecar, humbi jetën më pas në spital. Mediat e huaja raportojnë tani se bilanci i viktimave ka shkuar në 45 mijë... Ekipet kanë gjetur të mbijetuar gjatë gjithë javës, pavarësisht se ata kanë qëndruar nën rrënoja për një kohë shumë të gjatë dhe në temperatura të acarta, por numri i të shpëtuarve ka rënë në vetëm disa, ditët e shkuara.