Vladimir Putin ka vendosur motorë reaktivë mbi bomba të vjetra të epokës sovjetike për të goditur më thellë në Ukrainë. Lëvizja e fundit vjen ndërsa Kremlini lufton për të marrë Pokrovskun, qytetin që e quan "porta hyrëse" për në Donetsk, të cilin Ukraina e ka mbrojtur me forcë për më shumë se një vit. Bombat KAB, të pajisura me motorë turbojet të prodhuar në Kinë, thuhet se mund të mbulojnë një distancë prej 200 km. Kjo është më shumë se dyfishi i rrezes prej 80 km të bombave ekzistuese të Rusisë, të cilat janë përdorur gjatë luftës. Foto të paverifikuara duket se tregojnë mbetjet e armës vdekjeprurëse në një fushë në rajonin lindor të Poltavas. Mes mbetjeve, ishte një motor turbojet i prodhuar në Kinë. Gjeneral Majori Vadym Skibitsky, zëvendësdrejtor i agjencisë së inteligjencës ushtarake të Ukrainës, paralajmëroi se shpikja e fundit është pajisur me "module të reja kontrolli" që i bën ato rezistente ndaj bllokuesve. Këta të fundit janë përdorur nga ukraina për të ndërprerë fluturimet e bombave.