Ulja e temperaturave përgjatë muajit nëntor u shoqërua me reshje dëbore në zonat malore, por jo vetëm, duke sjellë bllokim të akseve rrugore, pore dhe rënie të inerteve në rrugë, që në disa raste kanë pamundësuar kalimin e automjeteve. Nisur nga reshjet e dendura që kanë përfshirë rrugën e Kombit në Bulqizë, por edhe akse të tjera rrugore, qofshin ose jo malore, policia e shtetit ka apeluar drejtuesit e automjeteve dhe motomjeteve për kujdes të shtuar në rrugë. Apeli i policisë u bë pasditen e kësaj të shtune, ku unfiromat blu kërkojnë nga qytetarët të respektojnë sinjalistikën rrugore, të reduktojnë shpejtësinë, të pajisen me zinxhirë dhe goma dimërore, dhe të ndjekin udhëzimet e shërbimeve të Policisë Rrugore. Sa i përket akseve të cilat mund të bllokohen nga dërbora në orët në vijim, policia thotë se në terren po punohet për pastrimin e rrugëve dhe për shpërndarjen e kripës, në mënyrë që qarkullimi i automjeteve të vijojë normalisht. Deri në këto momente nuk raportohet për akse rrugore të bllokuara, apo për probleme të tjera që mund të jenë shkaktuar nga moti i keq.