Ulja e temperaturave dhe reshjet e dendura të shiut kanë pushtuar territorin ditët e fundit, ndërsa prej 24 orësh prurjet e mëdha të reshjeve kanë shkaktuar përmbytje në disa zona, kryesisht në qarkun Shkodër dhe Lezhë. Në Shkodër, rapoprtohet për një sipërfaqe 1000 ha të përmbytur, me rritje prej 600 ha nga e mërkura. Një pjesë e madhe e fshatrave janë pa energji elektrike, ndërsa ujësjellësi Oblika 1 është jashtë funksionit. Niveli i lumit Drin mëngjesin e kësaj të mërkure ka shënur kuoten 6.20 m. Në Lezhë situata paraqitet e njëjtë, reshjet kanë qenë të dendura, shoqërar kjo me erëra të forta deri në nivelin e një tufani. Kuota e lumit Drin është në nivelin e 1.1 m, nga 2 m që është kuota kritike. Hidrovorët janë gadishmëri. Edhe në Lezhë ka patur ndërpreje të energjisë elektrike në shumicën e fshatrave, si pasojë e dëmtimit të linjës elektrike nga era e fortë. Gjithashtu ka patur probleme me përmbytjet në dy lagje ato të 11 Janarit dhe lagjia Beslidhja. Ne të dyja kto lagje ka prezencë të lartë të ujit duke bllokuar kështu daljen e banorve nga pallatet dhe ka vështirsuar qarkullimin rrugor. Qarku Lezhë po ashtu është përfshirë nga reshjet e shumta të dëborës. Shumë prej akseve rrugore në Lezhë e Shkodër janë të pakalueshme, pasi ka prani dëborë, inertesh dhe disa të tjera prezencë të lartë uji.