Ata njihen me termin “ilegalë”, spiunë që veprojnë nën maskën e punëve të zakonshme. Që kur Rusia humbi shumë nga burimet e vlefshme të spiunazhit, pasi dhjetëra diplomatë u dëbuan nga vendet perëndimore pas agresionit ndaj Ukrainës, “spiunët e fjetur” janë bërë të rëndësishëm për Moskën. Ekspertët që merren me çështjet e zbulimit rus i thanë Zërit të Amerikës se kjo ishte "rilindja e ilegalëve", me 90 për qind të operacioneve të kryera tani nga spiunët e zgjuar nga gjumi i thellë. Shëmbulli më i fundit se si kjo kategori funksionon ishte ai i shkëmbimit të pengjeve më 1 gusht, ku gazetarët amerikanë dhe aktivistët e të drejtave ruse u shkëmbyen me një vrasës dhe spiunë rusë. Për të mos rënë në sy, spiunët ilegalë shmangin zbulimin duke bërë punë të zakonshme me qëllim dhe afrimin me njerëzit.