Shtetet e Bashkuara po shqyrtojnë kërkesën e Ukrainës për të marrë raketa me rreze të gjatë veprimi, Tomahaëk, për të zmbrapsur pushtuesin rus, tha të dielën zëvendëspresidenti amerikan, JD Vance. Presidenti i Ukrainës, Volodymyr Zelensky, ka kërkuar nga Shtetet e Bashkuara që t'i shesë raketa Tomahaëk vendeve evropiane në mënyrë që ato pastaj t'ia dërgojnë ato Ukrainës. Vance tha në “Fox Neës Sunday” se presidenti amerikan, Donald Trump, do të marrë vendimin përfundimtar për këtë marrëveshje. “Ne po shqyrtojmë një numër kërkesash nga evropianët”, tha Vance. Raketat Tomahaëk kanë një rreze veprimi prej 2.500 kilometrash, që nënkupton se Moska do të ndodhej brenda rrezes së armëve të Ukrainës nëse Kievi do të merrte Tomahaëk-ët. Rusia pothuajse me siguri do ta shihte një veprim të tillë si përshkallëzim të luftës së saj në Ukrainë.