Departamenti amerikan i shtetit do ti këshillojë amerikanëve të evitojnë 80 për qind të vendeve të botës për shkak të pandemisë së koronavirusit. Në një njoftim për shtypin në lidhje me rishikimin e udhëzimeve për udhëtim, departamenti tha se pandemia vazhdonte të përbënte rrezik të paprecedenttë për udhëtarët. Aktualisht, SHBA këshillon të mos udhëtohet në 34 nga gjithsej 200 shtete. Departamenti i shtetit tha se vendimi i tij për të rishikuar udhëzimet për udhëtime ishte marrë me qëllim që të jetë në një linjë me udhëzimet e qendrës për kontrollin dhe parandalimin e sëmundjeve dhe nuk kërkon një rivlerësim të situatës aktuale shëndetësore në një vend të caktuar. Sidoqoftë, sipas departamentit, lëvizja do të cojë në një rritje domethënëse të numrit të vendeve të nivelit të 4, ku sugjerohet të mos udhëtohet, në rreth 80 për qind të vendeve të botës. Vetëm tre vende të botës janë klasifikuar në nivelin më të ulët të rrezikut të departamentit dhe ato janë makau, tajvani dhe zelanda e re. Edhe Antarktida është ndërkohë në një nivel më të lartë, nivelin e dytë, ndërsa britania është në nivelin e tretë, ku këshillohet të rivlerësohet udhëtimi. Covid 19, tani ka marrë më shumë se tre milionë jetë njerëzish në të gjithë botën, më shumë se një gjysmë milioni prej të cilëve, amerikanë. OBSh ka paralajmëruar se bota po shkon drejt nivelit më të lartë të infektimeve deri më tani, pavarësisht programeve të imunizimit të nisura në shumë vende.