Zyrtarët rusë kanë propozuar një agjenci martesash për të gjetur gra për ushtarët beqarë që kthehen nga lufta në Ukrainë. Yulia Belekhova, kryetare e Komitetit për Familjet e Ushtarëve të Atdheut, pretendoi se luftëtarët e Moskës kishin nevojë për rehabilitim psikologjik pas kthimit nga vijat e frontit. Ajo u tha vullnetarëve dhe aktivistëve në forumin Patriotët e Uraleve: “Në fund të fundit, kush është psikologu i parë për dikë që kthehet nga fronti? Gruaja e tij dhe familja e tij. “Kur një burrë ka një grua të mirë në krah, gjithçka funksionon: rehabilitimi, riintegrimi, gjetja e një pune”, vazhdoi Belekhova. Kremlini thuhet se është i shqetësuar se një riintegrim i menaxhuar dobët i qindra mijëra ushtarëve të kthyer nga fronti mund të shkaktojë trazira. Nëse agjencia e martesës do të jetësohet, kjo do të jetë përpjekja e fundit e mbështetur nga shteti në rusi, për të çiftuar rusët e rinj pasi aplikacionet perëndimore të takimeve Tinder, Bumble dhe Badoo u zhdukën nga tregu rus.