Dy tërmete u regjistruan pranë Kretës dhe ishujve përgjatë detit Egje këto dy javëve të fundit. Ekspertët tani po paralajmërojnë turistët që të njihen me udhëzimet e emergjencave. Një tërmet me magnitudë 6.1 goditi brigjet e Kretës të enjten, kur kishte kaluar pak më shumë se një javë nga një dridhje e ngjashme që u ndje deri në Egjipt. Në shkurt, një seri tërmetesh pothuajse konstante u u regjistruan pranë ishullit idilik të Santorinit, i cili shpalli gjendje të jashtëzakonshme për shkak të aktivitetit të pazakontë sizmik. Edhe pse tërmeti pranë Kretës i shtyu autoritetet të lëshonin një paralajmërim për cunami dhe shkaktoi dëme në ndërtesat në portin historik të ishullit, ekspertët thonë se nuk ka prova që grupi i fundit i lëkundjeve të tokës është i lidhur ose paraqet një rrezik të rëndësishëm për sigurinë. Rémy Bossu, Sekretari i Përgjithshëm i Qendrës Siemologjike Evropiane-Mesdhetare, thotë: "sa herë që shkoni në Greqi, duhet ta dini se po shkoni në një rajon sizmikisht aktiv. Rreziqet nuk janë dukshëm më të larta se sa ishin dje, ose sa ishin në shkurt". Megjithatë, turistët që përgatiten për një vizitë në ishujt në Egje duhet të jenë të përgatitur dhe të lexojnë udhëzimet se si të mbrohen më mirë në rast të dridhjeve të tilla, të cilat mund të jenë shqetësuese.