Protestuesit, ashtu siç edhe u njoftua, zbritën këtë të shtunë në Zvërnec. Ata u mblodhën në plazhin e Portonovës duke iu përgjigjur thirrjes së bërë më herët për organizimin e një tubimi kundër qeverisë në këtë zonë. Pjesëmarrësit, mbanin pankarta të ndryshme në duar dhe flamuj kombëtar, ndërsa u rreshtuan kundër projektit që po diskutohet për t’u zbatuar në këtë zonë. Sipas tyre, investimi cënon gjallesat dhe lagunën e Nartës. Me thirjret: “Vlora është e jona”, “Mos e shisni Vlorën”, “Flamingot po, Shqipëria po”, si dhe slogane të tjera të ngjashme, protestuesit kërkuan largimin e kryeministrit Edi Rama dhe kreu të opozitës Sali Berisha . Avokatja dhe notarja shqiptaro-australiane Eva Buzo iu bashkua kësaj kauze gjitahshtu, ndërsa zhvilloi dhe një sfidë sportive duke notuar nga Radhima, në isullin e Sazanit dhe në fund u ndal në plazhin e Dalanit në Zvërnec duke thirrur: Atdhe. Shpresoj që të mbetet e paprekur dhe që të gjithë shqiptarët të mund të vazhdojnë të shijojnë natyrën e bukur që kanë. Faleminderit shumë që erdhët dhe jam vërtet mirënjohëse ndaj aktivistëve që mbështetën këtë nismë. Jam këtu për të dhënë mbështetjen time për njerëzit e mrekullueshëm të Shqipërisë, të cilët po përdorin zërin e tyre për të folur për çështjet që kanë rëndësi për ta. Është shumë e rëndësishme që të dëgjojmë të rinjtë, të mbrojmë mjedisin tonë dhe t’u kërkojmë llogari qeverive tona Flamingoja tashmë është kthyer në simbolin e kësaj proteste qytetare, që ka marrë përmasa të mëdha.