Protestat dhe tensioni në Veri të Kosovës kanë ardhur duke u rritur pas deklaratave mbështetëse nga presidenti Aleksandër Vuçic dhe politikanë të tjerë në Beograd. Presidenti serb deklaroi se Serbia nuk do të lejojë që "sulmi i 2004-ës" të ndodhë përsëri. Ai tha se do t'i bëjë thirrje KFOR-it dhe NATO-s që të reagojnë nëse "kërcënimi ndaj pronës dhe jetës" së serbëve në Kosovë vazhdon. Ai paralajmëroi Kosovën, duke thënë se shpreson se Serbia do të detyrohet të marrë masa si politike ashtu edhe ekonomike. "Nëse prona dhe jeta e qytetarëve serbë vazhdon të jetë e rrezikuar, ne do t'i bëjmë thirrje KFOR-it dhe NATO-s që të veprojnë në përputhje me pushtetin e tyre dhe të mbrojnë jetën e serbëve në Kosovë", tha Vuçic në një konferencë për shtyp pas vendimit të qeverisë së Kosovës për reciprocitet rreth targave të automjeteve. Ambasadori i Serbisë në Shtetet e Bashkuara të Amerikës, Marko Gjuriç ka qënë edhe më i ashpër. Përmes një postimi në rrjetet sociale ka kërcënuar kryeministrin e Kosovës, Albin Kurti, duke i thënë “të mos luajë me zjarrin para se të jetë vonë”