Për kryeministrin Edi Rama Partia Socialiste është një oqean që po pëson rritje për shkak të numrit të madh të grave që ka në përbërje. mendoj që arsyeja kryesore, me gjithë respektin për gjithë burrat këtu - po edhe po u mërzitën burrat, le të mërziten, se dhe unë burrë jam, kështu që e ndajmë mërzinë bashkë -arsyeja kryesore e rezultatit me rritje është fakti që këtu janë 53% gra E patë Dibrën? Mu hodhën në fyt të gjithë ata: “Si i thua ti çyryk burrave të Dibrës? Po ta tregojnë ty burrat e Dibrës!” Dibra u bë si me qenë Vlora. Nuk e di, për pak vota, nuk e di ekzaktësisht sa, por mund të merrnim mandatin e katërt. Pse? Sepse burrat, shumica, shkuan mbrapa grave. Partia Socialiste është oqean, nuk është lumë, përrua apo liqen. Kështu që unë ndihem vërtet shumë mirë në këto takime, sepse këto takime më japin shumë energji dhe më kënaqin shumë që flas me ju. Gjatë një takimi në njësinë numër tre në kryeqytet me asamblenë e PS, Rama nuk nguroi të ironizonte as kundërshtarët politikë. Sipas tij, PS tashmë ka ndezur motorët për zgjedhjet e ardhshme vendore, kurse partitë e tjera, sipas tij, vijojnë të jenë në gjumë. ky proces që kemi filluar, sigurisht që lidhet me fillimin e punës për zgjedhjet e ardhshme, se ne këtë punë kemi bërë gjithmonë. E kemi filluar gjithmonë përpara. Ata ku janë tani? Ja tani, në këtë orë që po flasim ne, ku janë ata? Mos janë duke fjetur gjumë se Luli po, po ata të tjerët ku janë? Janë nëpër kafe, janë në shtëpi, janë duke bërë... Me siguri nuk janë duke bërë një takim tani se si do të organizohemi ne për...Po kjo nuk është sot. Kjo është çdo ditë, çdo pasdite. Prandaj pastaj thonë: “Jo, po patronazhistët.” Po çfarë janë patronazhistët? Ja, ju jeni patronazhistë. Kush janë patronazhistë? Suksesin nuk na e fal njeri. Rama foli dhe për integrimin ku e cilësoi si një prioritet të qeverisë.