Një situatë pengjesh në një tren në perëndim të Zvicrës, të enjten në mbrëmje, përfundoi me të dyshuarin që u vra pas ndërhyrjes së policisë dhe me pengjet që u liruan pa asnjë lëndim. Pengmarrësi ishte i armatosur me sëpatë dhe me thikë dhe fliste anglisht dhe persisht – tha një zëdhënës i policisë në kantonin Vaud. “Në këtë pikë të hetimit, motivi i tij është ende i panjohur”, tha zëdhënësi. Identiteti i pengmarrësit nuk është konfirmuar ende zyrtarisht dhe kontrollet po vazhdojnë. Agresori u qëllua për vdekje nga një oficer policie, pasi sic raportohet kishte vrapuar drejt tij me sëpatë në dorë. Në total, 15 persona u morën peng, 14 pasagjerë dhe drejtuesi i trenit, dhe pengmarrja zgjati për afro katër orë. Agresori kishte detyruar drejtuesin e trenit, që kishte ndaluar afër Yverdonit, që t’i bashkohej pasagjerëve, që kishin njoftuar policinë për situatën. Negociatat me të dyshuarin u zhvilluan përmes ËhatsApp-it, dhe me ndihmën e një përkthyesi që fliste persisht, gjuhë që flitet në Iran. Autoritetet në fund vendosën të ndërhynin në tren dhe bënë një manovër për ta mbajtur agresorin larg pengjeve. Situata të tilla janë, me pengje, janë të rralla në Zvicër, por kanë ndodhur me raste. Në janar 2022, kriminelët morën peng një cift dhe dy punonjës të një kompanie, në përpjekje për të hyrë në kasafortat ku mbaheshin metale të cmuara, por në fund u larguan me duar bosh. Në nëntor 2021, drejtori i një kompanie orësh dhe pjesëtarë të familjes së tij u morën peng në shtëpinë e tyre, me keqbërësit që vodhën flori dhe u larguan në drejtim të francës.