Drejtori i Policisë së Lezhës, Islor Islami, ka dhënë dorëheqjen nga posti i tij pas zbulimit të ambienteve për lojëra fati në Laç dhe në Milot. Policia zbuloi 3 ambiente të përshtatura për zhvillimin e lojërave të fatit me makineta dhe tavolina pokeri, teksa u gjet edhe një ambient i përshtatur për përdorim, blerje dhe shitje të lëndëve narkotike. Për pasojë, 3 persona u arrestuan dhe një u vë nën hetim, të gjithë pronarë ose administratorë të këtyre ambienteve. Policia gjeti dhe sekuestroi 15 makineta, 3 tavolina pokeri dhe sasi kokaine, teksa ky zhvillim raportohet se ka pasuar me dorëheqjen e drejtuesit të uniformave blu në Lezhë, ndonëse nuk ka ende një deklaratë zyrtare nga ky i fundit. Islor Islami u emëruar në këtë posti në muajin janar, teksa më herët ka shërbyer si Drejtor i Kufirit dhe Migracionit.