Një tjetër stuhi polemikash është përplasur mbi familjen mbretërore në britaninë e madhe. Këtë radhë, në qendër të saj është princi Carls. Sic shkruan Sunday Times, në 2013-ën, trashëgimtari i fronit mori një donacion prej 1 milionë stërlinash për fondacionin e tij të bamirësisë Princi i Uellsit. Deri këtu nuk ka asgjë të cuditshme, por të mos ishte se dhurues ishte familja e Osama Bin ladenit, themelues i Al Kaedës, i vrarë në një aksion të forcave amerikane në pakistan në 2011. Lajmi është publikuar më pas edhe nga të gjitha mediat e tjera britanike. Sipas Sunday Times, princi Carles, i mori këto fonde direkt nga Bakr bin laden, patriarku i familjes së pasur saudite, dhe nga vëllai i tij Shafiq, të dy vëllezër nga babai të Osama Bin Ladenit. Sipas gazetës, princi britanik ka patur një takim me Bakr, sot 76 vjecar, pranë banesës së tij në londër Clarence house. Artikulli i Times nuk përmban asnjë të dhënë për lidhje të mundshme mes dy vëllezërve me lëvizjen terroriste ndërkohë që shkruan se princi i Uellsit i kishte pranuar paratë pavarësisht kundërshtimeve nga disa këshilltarë të fondacionit.