Policia e Vlorës ka vënë në pranga një person si dhe ka shpallur në kërkim dy të tjerë, pasi morën me forcë në makinë një 20-vjeçar, dhe më pas e dhunuan, me qëllim përfitimin e një shume monetare. Shtetasit B . H, 24 vjeç dhe 2 vëllezër, në bashkëpunim me njëri-tjetrin kanë marrë me forcë në automjet 20-vjeçarin dhe më pas e kanë çuar në një ambient të veçuar, ku e kanë dhunuar me qëllim për ti marrë 6 mijë euro. Policia ka arrestuar 24 vjeçarin B.H dhe ka shpallur në kërkim dy vëllezërit R. L., 30 vjeç dhe L. K.(L.), 34 vjeç. Materialet procedurale i kaluan Prokurorisë Vlorë, për veprat penale “Rrëmbimi ose mbajtja peng e personit” dhe “Shtrëngimi me anë të kanosjes ose dhunës për dhënien e pasurisë”, të kryera në bashkëpunim.