Kreu I Lëvizjes VEtëvendosje, njëherësh kryeministër në detyrë dhe kandidat për një mandate të dytë, vijoi fushatën të martën, duke u ndalur në Podujevë. Kurti u tregua I ashpër ndaj kundërshtarëve politik, duke I konsideruar si parti që kërkojnë të përfitojnë nga Kosova, e të marrin pjesën e tyre në tepsinë e pushtetit, duke përngjasuar me gjuhën e përdorur nga kryeministri Edi Rama në zgjedhjet e 2021 dhe duke kërkuar kështu një votë që ai të mund të krijojë I vetëm qeverinë dhe të drejtojë vendin pa patur nevojë koalicioni. Albin Kurti u ndal edhe tek fakti që Podujeva ndodhet në kufi me Serbinë dhe problemeve me këtë të fundit. Sipas tij, Kosova nën drejtimin e Vetëvendosjes është më e sigurtë. “Po të ishin ato partitë e tjera, do të kishte qenë problem me këto komunat kufitare. Kur e ke kojshinë e keq, duhet të mbash moralin lart dhe pushkën plot”, tha Kurti, duke ashpërsuar kështu gjuhën ndaj Beogradit zyrtar. Kandidati për kryeministër nga Lëvizja Vetëvendosje Albin Kurti shmangu përmendjen e Richard Grenell në fjalim, i cili ka kritikuar Kryeministrin e Kosovës, por vlen të theksohet se ashpërsimi I toneve dhe retorikës së tij, vjen pas kësaj deklarate.