Një monedhë ari romake që mban imazhin e Brutusit, vrasësit të Jul Cezarit, do të dalë në ankand në Gjenevë të hënën, me oferta të vendosura mbi 850,000 dollarë. "Sytë e një koleksionisti ndriçojnë kur sheh një monedhë si kjo", sepse kjo është "një pjesë e historisë", tha Frank Baldacci, kreu i shtëpisë së ankandit Numismatica Genevensis para shitjes. Aureus, monedha ari e përdorur në Romën e lashtë, u emetua nga Brutusi dhe miqtë e tij një ose dy vjet pasi ata vranë sundimtarin romak Cezarin, në vitin 44 para Krishtit, tha ai. Monedha, e cila peshon tetë gram, ka "rëndësi të madhe historike", thotë Baldacci. Ofertat do të fillojnë me 852,000 dollarë, por Baldacci tha se ka të ngjarë që monedha të shitet për më shumë se një milion dollarë. "Ofertat mund të shkojnë shumë lart," thotë ai duke e quajtur objektin "Da Vinci i monedhave romake". Monedha aureus përmban profilin e Brutusit, me një gjethe dafine në njërën anë. Në anën tjetër celebrohen fitoret e tij ushtarake. Ajo është vetëm një nga vetëm 17 ekzemplarët e njohur. Shumë pak dihet ndërkohë për pronarët e saj gjatë shekujve. Për herë të parë ajo u katalogua në vitin 1950 si pjesë e një koleksioni privat dfhe doli në vitin 2006 në një ankand në Zyrih të zvicrës ku u ble nga një koleksionues.