Gati dhjetë persona u plagosën kur sulmues të paidentifikuar hodhën gurë gjatë një fjalimi të një prej figurave më të rëndësishme opozitare në Turqinë lindore të dielën, një javë përpara mbajtjes së zgjedhjeve presidenciale dhe parlamentare në vend. Ekrem Imamoglu, kryebashkiaku i Stambollit, një anëtar i shquar i Partisë Popullore Republikane ngriti alarmin se dje se njerëz të panjohur nisën të gjuanin me gurë teksa ai fliste në çatinë e autobusit me të cilin po bën xhiron e vendit, si pjesë e fushatës. Në tubi isbin të pranishëm qindra persona dhe policia kërkoi që Ekrem İmamoğlu të ndërpriste tubimi dhe ai të largohej nga zona. Kryebashkiaku i Stambollit u përpoq të vazhdonte fjalën, duke thënë se do të padisë Drejtorin e Sigurimit, prefektin dhe kryebashkiakun, duke fajësuar për sulmin policinë që "ulet dhe shikon 200 njerëz" duke hedhur gurë.