Trupat e Vladimir Putinit janë tërhequr nga një qytet i rëndësishëm ukrainas në një lëvizje që ëhstë konsideruar një faqe e errët në historinë e rusisë nga burime pro kremlinit. Forcat ruse, raportohet se janë detyruar të tërhiqen nga qyteti jugor i Khersonit, që ishte edhe e vetmja lidhje tokësore e rusisë me Krimenë dhe qyteti më i madh i një prej katër territoreve ukrainase të aneksuara në shtator. Ministri rus i mbrojtjes, Sergei Shoigu, urdhëroi një ditë më parë trupat e tij të tërhiqen nga qyteti përtej lumit Dnipro për tu vendosur në pozicione mbrojtëse. Në një takim me zyrtarë të lartë ushtarakë, gjenerali Sergei Surovikin, komandanti i rusisë në Ukrainë, tha se nuk ishte e mundur që të vazhdohej më gtjatë me furnizimin e qytetit. “Në këto rrethana – tha ai, cështja më e rëndësishme është të organizojmë mbrojtjen përgjatë lumit Dnipro. Lajmi vjen pas javësh avancime ukrainase në qytetin që shihej si një portë hyrëse për në krime dhe një gare nga ana e rusisë për të evakuuar dhjetëra e mijëra banorë. Surovikim, që ka marrë edhe nofkën Gjeneral Armagedoni, për shkak të brutalitetit të tij në Siri, tha se më shumë se 115 mijë persona kanë kaluar lumin Dnipro javët e shkuara.