Presidenti amerikan, donald trump, e ka parë veten në siklet kur vlerësoi në një takim në shtëpinë e bardhë Presidentin e Liberisë, për anglishten e mirë të tij, dhe e pyeti se ku e kishte mësuar gjuhën, pa e ditur se anglishtja është gjuhë zyrtare e vendit afrikan. Gjatë takimit me udhëheqësit e afrikës perëndimore, të mërkurën, trump u përqendrua te presidenti liberian, Joseph Boakai, duke e lëvduar atë për zotërimin e gjuhës angleze. “Ku ke mësuar të flasësh anglisht kaq bukur? Ku je arsimuar”, e pyeti ai. Komenti, i bërë para kamerave, u shpërfill sidoqoftë. Por trump nuk u ndal. “Kam njerëz në këtë tavolinë që nuk dinë të flasin aq mirë sa ju”, vazhdoi ai duke treguar liderët e tjerë të ulur rreth tij... Boakai, një politikan me përvojë dhe i diplomuar në një universitet anglishten si gjuhë të parë, u duk pak i habitur, por thjeshtë u përgjigj duke thënë se ishte arsimuar në Liberi. Liberia është një nga vendet e pakta afrikane gjuha zyrtare e të cilit është anglishtja. Në fillim të viteve 1800, Shoqata Amerikane e Kolonizimit, e financuar nga anëtarë të Kongresit Amerikan dhe skllavopronarë jugorë, filloi të dërgonte amerikanë të zinj as kishin fituar lirinë, që të vendoseshin në bregdetin e Afrikës Perëndimore. Ajo që pasoi ishte themelimi i Liberisë, e cila shpalli pavarësinë në 1847 dhe modeloi qeverinë e saj sipas asaj të Shteteve të Bashkuara. Kolonistët, të njohur si amerikano-liberianë, vendosën anglishten si gjuhë zyrtare në ligj, tregti dhe arsim. Deri më sot, anglishtja mbetet jo vetëm gjuha zyrtare, por edhe mjeti kryesor i komunikimit në të gjithë Liberinë.