Për incidentet e ndodhura në protestën e zhvilluar nga opozita para Bashkisë së Tiranës reagoi edhe Autoriteti I Mediave Audiovizive. Duke e cilësuar si një rrezik përdorimin e molotovit, si pasojë e të cilit u rrezikua edhe jeta e grupit të reporterëve dhe kameramanëve të medias, AMA kërkoi nga policia si dhe organizatorët e protestës që të shtojë akoma më shumë masat me qëllim që punonjësve të mediave të mos u cënohet jeta. “Pasiguria në punën e medias që mbulon një protestë a demonstratë është e papranueshme, është goditje për fjalën e lirë dhe kufizim për informimin e publikut”, thuhet në deklaratën e AMA-s. Sa I takon autorëve, autoriteti i Mediave Audiovizive I kërkon policisë që t’I identifikojë sa më parë si dhe t ëvendos para ligjit çdo person që sulmon drejtpërdrejtë apo që rrezikon ekipet e medias që janë në krye të detyrës. Gjatë tubimit persona të paidentifikuar hodhën molotov pranë protestuesve dhe grupeve të xhirimit të mediave, por fatmirësisht nuk pati persona të lënduar.