Vladimir Putin do të rekrutojë 300,000 trupa të reja pas zgjedhjeve të Rusisë në shtator, paralajmëron Volodymyr Zelensky. Presidenti ukrainas tha se Moska mund të rekrutojë mijëra trupa të tjera në vitin 2027 për të pushtuar pjesën tjetër të rajonit të Donetskut të Ukrainës. Donetsku është një nga katër rajonet ukrainase, së bashku me Luhanskun, Khersonin dhe Zaporizhzhian, që Putin pretendon se i ka aneksuar në vitin 2022, pavarësisht se pushtoi vetëm një pjesë të secilit territor. Moska kontrollon të paktën 80 përqind të Donetskut, dhe kapja e pjesës tjetër është bërë një nga objektivat qendrore të Kremlinit. Trupat e reja mund të ndihmojnë Moskën në pushtimin e territorit të mbetur të mbajtur nga Ukraina, përfshirë atë që njihet si brezi i fortifikuar, drejt të cilit Rusia ka kërkuar të shtyhet për muaj të tërë. Ndërkohë, ukraina ka vënë në shënjestër tani edhe shitësin e dytë më të madh, online, të rusisë. Pasi shënjestroi disa depo që i përkisnin Ëildberries, që konsiderohet si Amazon-i rus, Kievi ka goditur dy objekte të Ozon në rajonet jugore të Samarës dhe Orenburgut. Ozon është përgjegjës për rreth 30 përqind të tregtisë online të Rusisë. Sulmet e Kievit ndaj depove të shitësve me pakicë kanë për qëllim të ushtrojnë presion ekonomik mbi Moskën dhe "të sjellin luftën në shtëpinë e vetë rusëve". Sulmi i parë ndodhi në një depo në Samara të shtunën, i ndjekur nga një i dytë në Orenburg gjatë natës të dielën. Pamjet video në mediat sociale treguan flakë dhe tym që ngrihej nga depot, ndërsa zjarrfikësit punonin për të shuar flakët. Orenburgu është afër Kazakistanit, rreth 1 mijë km larg nga kufiri ukrainas, cka dëshmon aftësinë në rritje të Kievit për sulme me rreze të gjatë veprimi.