Një sasi e konsiderueshme eurosh të padeklaruara u gjetën dhe u sekuestruan këtë të premte në portin e Durrësit, në një autobus i cili vinte nga porti i Barit. Sipas të dhënave paraprake, sasia e eurove të padeklaruara ishte fshehur në pjesën e sipërme të autobusit, pranë impiantit të kondicionerit, të ndarë në 6 qese. Nga numërimi rezultoi se bëhet fjalë për mbi 500 mije euro. Sasia e eurove u verifikua përmes skanerit, ndërsa drejtuesi i autobusit Elidon Cela, së bashku me pasagjerët u shoqëruan në komisaritin e Durrësit dhe do të merret në pyetje lidhur me këtë cështje. Paratë e gjetura ishin të prerjeve të ndyshme, prerje 10, 20, 50 dhe 100. Pronari dhe njëkohësisht shoferi i autobusit Cela edhe më herët është kapur me para të padeklaruara në port si dhe duke futur mallra të vjedhura.