Ministria e Shëndetësisë ka ndërprerë kontratat e 1000 mjekëve specializantë, të cilët po kryejnë specializimet në spitaket e Tiranës, Elbasanit, Vlorës dhe Shkodrës. Referuar urdhrit të lëshuar nga ministria e Shëndetësisë në datën 16 Qershor, operatorët e kujdesit shëndetësor në këto katër rrethe duhet të nisin ndërprerjen menjëherë të kontratave të lidhura me studentët ekselentë, të cilët fill pas përfundimit të studimeve të integruara për Mjekësi të Përgjithshme, kanë fituar të drejtët e specializimit me kuotë të mbuluar, pra të paguar nga shteti. Kjo ndërprerje kontratash nga ana e Ministrisë së Shëndetësisë vjen pasi në vend të mjekëve specializantë do të punësohen mjekët, të cilët janë shpallur fitues në portalin e Ministrisë së Shëndetësisë dhe janë në një listë të gjatë pritjeje për të fituar vendin e punës.